Үйлчилгээний ерөнхий нөхцөл

Өөрчлөлт оруулсан огноо: 2025/11/01 shuudan.com

Энэхүү үйлчилгээний ерөнхий нөхцөл (цаашид “Нөхцөл” гэнэ) нь ЮЮТек ХК (цаашид “Үйлчилгээ үзүүлэгч” гэнэ) болон түүний shuudan.com веб сайтаар (цаашид “Сайт” гэнэ) дамжуулан үйлчилгээ авч буй хувь хүн болон хуулийн этгээд (цаашид “Хэрэглэгч” гэнэ) хооронд үүсэх аливаа үйлчилгээтэй холбоотой харилцааг зохицуулна.

Хэрэглэгч Сайтад бүртгэл үүсгэж, захиалга хийх болон үйлчилгээ авах үед энэхүү Нөхцөлийг бүрэн уншиж ойлгосон, хүлээн зөвшөөрсөнд тооцно.

1. Ерөнхий заалт

Энэхүү Нөхцөл нь shuudan.com-оор дамжуулан гадаадын онлайнаар бараа бүтээгдэхүүн худалдан авч Монгол Улсад хүргүүлэх үйлчилгээний бүхий л харилцаанд үйлчилнэ.
Хэрэглэгч энэхүү Нөхцөлийг хүлээн зөвшөөрснөөр Монгол Улсын холбогдох хууль тогтоомж болон энэхүү Нөхцөлийн дагуу эрх, үүргээ хэрэгжүүлнэ.
Үйлчилгээ үзүүлэгч нь Нөхцөлд шаардлагатай нэмэлт, өөрчлөлт оруулах эрхтэй бөгөөд шинэчилсэн хувилбарыг Сайт дээр нийтэлснээр хүчин төгөлдөр болно.

2. Үйлчилгээ үзүүлэгчийн эрх, үүрэг

Хэрэглэгчийн захиалсан бараа бүтээгдэхүүнийг гадаадын нийлүүлэгчээс худалдан авч Монгол Улсад хүргэх бүхий л тээвэрлэлтийн үйлчилгээг зохион байгуулна.
Тээвэрлэлтийн явцад үүссэн байгалийн гамшиг, улс төрийн тогтворгүй байдал, давагдашгүй хүчин зүйлээс шалтгаалсан хугацааны сааталд хариуцлага хүлээхгүй.
Хэрэглэгчийн мэдээллийг Монгол Улсын ‘Хувийн мэдээлэл хамгаалах тухай’ болон бусад холбогдох хуулийн дагуу нууцлан хадгална.
Үйлчилгээний төлбөр, үнэ тарифыг өөрчлөх, шинэчлэх эрхтэй бөгөөд шинэ тариф нь Сайт дээр нийтэлснээр хүчин төгөлдөр болно.
Хэрэглэгчийн захиалсан барааг тээвэрлэлтэд гарахаас өмнө тоо ширхэг, бүрэн бүтэн байдлыг шалгах үүднээс баглаа боодлыг нээж шалгах эрхтэй.

3. Хэрэглэгчийн эрх, үүрэг

Хэрэглэгч Сайтад бүртгэл үүсгэж, өөрийн хувийн мэдээллээ үнэн зөв оруулах үүрэгтэй.
Захиалга баталгаажуулсны дараа урьдчилгаа болон үлдэгдэл төлбөрийг заасан хугацаанд бүрэн төлнө.
Захиалгын мэдээлэл (өнгө, размер, тоо ширхэг г.м) болон холбоо барих мэдээллийг үнэн зөвөөр бүртгүүлэх нь хэрэглэгчийн хариуцлага байна.
Нууц үгээ хамгаалж, бусдад задруулахгүй байх үүрэгтэй бөгөөд нууц үг алдсанаас үүдэлтэй хохиролд Үйлчилгээ үзүүлэгч хариуцлага хүлээхгүй.
Монгол улсын хууль тогтоомжоор хориглосон бараа бүтээгдэхүүн захиалахгүй байх үүрэгтэй.

4. Үнэ, төлбөр тооцоо

Хэрэглэгчийн захиалгын нийт төлбөр нь дараах хэсгээс бүрдэнэ:
- Барааны үндсэн үнэ
- Гадаад дотоод тээврийн зардал
- Үйлчилгээний шимтгэл ба гүйлгээний шимтгэл
- Гаалийн татвар, холбогдох бусад төлбөр (шаардлагатай тохиолдолд)
Үнийн өөрчлөлт гарсан тохиолдолд Үйлчилгээ үзүүлэгч хэрэглэгчид 24 цагийн дотор мэдэгдэнэ.
Төлбөрийг Сайт дээр заасан аргаар бэлнээр, карт болон цахим гүйлгээгээр төлөх боломжтой.

5. Гааль, татвар

Монгол улсын гаалийн хяналт, татвар ногдуулах журам нь Монгол Улсын хууль тогтоомжийн дагуу хэрэгжинэ.
Хэрэглэгч гаалийн шаардлагын дагуу шаардагдах бичиг баримтыг бүрдүүлэх, гаалийн татвар, хадгалалтын зардлыг төлөх үүрэгтэй.

6. Буцаалт ба хариуцлага

Барааг хүлээн авах үед тээвэрлэлтийн явцад үүссэн гэмтэл эвдрэл тогтоогдвол төлсөн төлбөрийг 100% буцаан олгоно.
Захиалсан барааны чанар, үйлдвэрийн баталгаатай холбоотой асуудлыг тухайн үйлдвэрлэгч, нийлүүлэгчийн нөхцлөөр шийдвэрлэнэ.
Даавгдашгүй хүчин зүйл (байгалийн гамшиг, улс төрийн үймээн, хил хаалт гэх мэт)-ээс шалтгаалсан тээврийн сааталд Үйлчилгээ үзүүлэгч хариуцлага хүлээхгүй.
Захиалга баталгаажсаны дараа хэрэглэгчийн хувийн шалтгаанаар захиалгаа цуцлах бол тухайн үеийн бодит зардлыг суутгана.

7. Хориотой болон тусгай зөвшөөрөлтэй бараа

Галт зэвсэг, мансууруулах бодис, амьд амьтан, түргэн муудах хүнсний бүтээгдэхүүн, мөнгөний тэмдэгт, цацраг идэвхт бодис болон Монгол Улсын хууль тогтоомжоор хориглосон бусад бараа бүтээгдэхүүн захиалахыг хориглоно.

8. Нууцлалын бодлого

Хэрэглэгчийн хувийн мэдээллийг зөвхөн үйлчилгээ үзүүлэх, захиалга биелүүлэх, хэрэглэгчтэй холбогдох зорилгоор ашиглана.
Хэрэглэгчийн зөвшөөрөлгүйгээр хувийн мэдээллийг гуравдагч этгээдэд худалдахгүй, нийтэд түгээхгүй.
Хэрэглэгч өөрийн бүртгэлийг устгах хүсэлтээ tanii.shuudan@gmail.com хаягаар илгээн мэдээллээ устгуулах эрхтэй.

※ Дэлгэрэнгүй нууцлалын бодлогыг Сайтын тусгай хуудсанд байршуулна.

9. Маргаан шийдвэрлэх

Үйлчилгээтэй холбоотой аливаа гомдлыг tanii.shuudan@gmail.com, утас: 7211-0027-аар хүлээн авч шийдвэрлэнэ.
Зөвшилцлөөр шийдэж чадаагүй маргааныг Монгол Улсын холбогдох хууль тогтоомжийн дагуу шүүхээр шийдвэрлэнэ.

10. Бусад

Хэрэглэгч Нөхцөлийг зөрчсөн тохиолдолд Үйлчилгээ үзүүлэгч хэрэглэгчийн бүртгэлийг түр зогсоох эсвэл устгах эрхтэй.
Нөхцөлд тусгагдаагүй асуудлыг Монгол Улсын хууль тогтоомжийн дагуу шийдвэрлүүлнэ.

▲ Дээш